Curso de Introdución á xenética cuantitativa

Dirixido a estudantes, docentes e investigadores con formación matemática

• Universidade de Santiago de Compostela
• Facultade de Matemáticas
• Aula 4
• 1-5 e 9-12 de decembro de 2014

Obxectivo do curso

Ofrecer unha introdución conceptual e práctica dos obxectivos e protocolos da xenética cuantitativa que permita poñer en valor coñecementos en matemáticas, estatística e programación para aplicalos neste campo da bioloxía.

Dirixido a

Alumnado de Grao, Máster e Doutoramento con formación matemática, e en xeral, todos aqueles profesionais das matemáticas que teñan interese en potenciais aplicacións no campo da bioloxía evolutiva e/ou a mellora xenética.

As persoas asistentes recibirán un diploma de participación onde constarán os contidos do curso e a duración do mesmo.

Inscrición

Para inscribirse no curso mandar un correo á seguinte dirección de correo electrónico:

curso.xenetica.matematicas@usc.es

Incluír os seguintes datos: nome e apelidos, dirección de correo electrónico, titulación e/ou ano que estás cursando.

Prazo de inscrición: do 10 ó 21 de novembro

Docentes

• Luis Varona Aguado é Catedrático de Xenética no Departamento de Anatomía, Embrioloxía e Xenética Animal, na Facultade de Veterinaria da Universidade de Zaragoza. Desenvolve diversos proxectos de investigación en mellora xenética animal (particularmente no eido de produción de carne), no ámbito estatal e europeo. Desenvolve e aplica ferramentas bioinformáticas con ferramentas matemáticas e estatísticas entre as que se inclúen máxima verosimilitude e inferencia bayesiana. O seu campo de acción tamén abrangue a xenética humana.
• Carlos García Suárez é Profesor Titular de Universidade no Departamento de Bioloxía celular e Ecoloxía da Universidade de Santiago de Compostela. Traballa en Xenómica da depresión endogámica en Drosophila melanogaster, Xenética da conservación de plantas silvestres e nas restricións a resposta multicarácter a escolma natural.
• José M. Castro Álvarez é Profesor Interino por Vacante do Departamento de Xenética, na Facultade de Veterinaria da USC. Aplica e desenvolve modelos de efectos xenéticos para acadar unha mellor comprensión dos fenómenos evolutivos. Desenvolve o modelo NOIA, integrando implementacións que anteriormente foran feitas separadamente en modelos máis restrinxidos. Tamén colabora en análises de xenética cuantitativa clásica, no campo da acuicultura.

Contidos do curso

Datas: Do 1 ao 5 e do 9 ao 12 de decembro de 2014 (en sesións de 2 horas cada día, agás o 12 de decembro, no que se celebrarán as sesións 9 e 10). Horario: de 10:00 a 12:00 h excepto o 12 de decembro (10:00 a 12:00 e 16:00 a 18:00).

• Sesión 1 (Luns, 1 de decembro de 2014, de 10:00 a 12:00).

  Introdución conceptual: Leis da herdanza de Mendel. Evolución gradual de carácteres cuantitativos. Regresión á mediocridade. Mendelianos e biómetras. (José M. Castro Álvarez)

• Sesión 2 (Martes, 2 de decembro de 2014, de 10:00 a 12:00).

  Base mendeliana da herdanza cuantitativa. Principio de Hardy-Weinberg. Recombinación. (Carlos García Suárez)

  Interacción entre alelos. Modelo de efectos xenéticos. (José M. Castro Álvarez)

• Sesión 3 (Mércores, 3 de decembro de 2014, de 10:00 a 12:00).

  ANOVA. Descomposición da varianza xenética e fenotípica. Valores reprodutivos. Herdabilidade. (Carlos García Suárez)

• Sesión 4 (Xoves, 4 de decembro de 2014, de 10:00 a 12:00).

  Efectos xenéticos como parámetros "ocultos". Modelo infinitesimal como proposta parsimoniosa. BLUP. (Carlos García Suárez)

• Sesión 5 (Venres, 5 de decembro de 2014, de 10:00 a 12:00).

  Análises de QTL, estudos de GWA. (Carlos García Suárez).

  Regresión Halley-Knott, IMI (José M. Castro Álvarez).

• Sesión 6 (Martes, 9 de decembro de 2014, de 10:00 a 12:00).

  NOIA (José M. Castro Álvarez).

• Sesión 7 (Mércores, 10 de decembro de 2014, de 10:00 a 12:00).

  Estimación de compoñentes de varianza e covarianza. Métodos de Máxima Verosimulitude (REML). Introdución á Inferencia Bayesiana. (Luis Varona Aguado)

• Sesión 8 (Xoves, 11 de decembro de 2014, de 10:00 a 12:00).

  Resposta á selección e resposta correlacionada. Depresión consanguínea e heterose. (Luis Varona Aguado)

• Sesión 9 (Venres, 12 de decembro de 2014, de 10:00 a 12:00).

  Detección de pegada da selección con datos xenómicos. Selección asistida por xenes e marcadores e selección xenómica. (Luis Varona Aguado)

• Sesión 10 (Venres, 12 de decembro de 2014, de 16:00 a 18:00).

  Valoración do curso e posta e común.

Organización

O curso organízase no marco do proxecto de investigación Development and application of the NOIA model in quantitative genetics analysis (EM2014/024, Xunta de Galicia), en colaboración co Instituto de Matemáticas da USC.

Comité organizador

José M. Castro Álvarez (Departamento de Xenética, USC), Rosa Crujeiras Casais (Departamento de Estatística e Investigación Operativa, USC), J. Carlos Díaz Ramos (Departamento de Xeometría e Topoloxía, USC), M. Elena Vázquez Abal (Departamento de Xeometría e Topoloxía, USC).