Trátase de demostrar que unha recta L é un subconxunto pechado do plano utilizando o criterio de converxencia de sucesións. Ou sexa, demostrando que se unha sucesión de puntos de L converxe, o punto de converxencia pertence tamén a L. Preténdese, pois, obviar calquera argumento que presupoña o carácter pechado de L, ou, o que é o mesmo, o carácter aberto do complementario. Consulta as axudas dadas para resolver o exercicio no Seminario deste curso virtual (exercicio 3.2)