Problemas para as clases interactivas
Intervalos de confianza
-
Nunha mostra de tamaño 30 mediuse a porcentaxe de aumento de alcohol en sangue tras beber catro cervexas. Obtívose $\overline{X}=41.2$ (media) e $s=2.1$ (cuasi-desviación típica).
- Calcular un intervalo de confianza do 90% para a porcentaxe media de aumento en tódalas persoas que beben catro cervexas;
- Se se calcula un intervalo de confianza do 95% para $\mu$, ¿será máis ou menos amplo có anterior?
Milton 6.3.7
-
As granxas de patos contaminan a agua debido ó nitróxeno en forma de "ácido úrico". A seguinte é unha mostra aleatoria de nove observacións da variable $X$, número de kilos de nitróxeno producidos por granxa e día.
4.9 5.8 5.9 6.5 5.5 5.0 5.6 6.0 5.7 Supoñendo que $X$ é normal, construír un intervalo de confianza do 99% para a media poboacional $\mu$.
Milton 6.3.9
-
A calor parece afecta-la mobilidade dos caracois. En 20 caracois sometidos a unha temperatura de 29°C observamos unha distancia media percorrida de $\overline{X}=4.855$cm, con $s_{n-1}=0.7178$. Dar un intervalo de confianza ($\alpha=5\%$) para a distancia media percorrida por un caracol.
Milton 6.3.6 p. 222
-
Estas son as alturas (en metros) de vinte piñeiros da especie "Pinus strobus". Estima-la media desa especie de piñeiros cun nivel de confianza do 95%.
17.16 22.00 10.08 15.00 7.02 10.67 11.16 10.92 11.10 4.05 15.93 7.22 8.19 16.45 7.38 10.00 14.10 10.26 11.96 10.00 Milton 6.3.1
-
Queremos estima-lo peso medio ó nacer (en Kg) de fillos de mulleres adictas á heroína. Nun estudio previo obtívose que $\sigma=2.5$. Queremos deseña-lo experimento de modo que o nivel de confianza sexa do 95%, e que o erro de estimación non supere 1Kg. ¿Que tamaño de mostra necesitamos?
Milton 6.6.1 p. 236
-
No río Mississippi estudouse en 61 lugares a variable $X$, anchura de terreno inundable, obténdose $\overline{X}=3400$ metros e $s_{n-1}=100$ metros. Dar un intervalo de estimación para a desviación típica de $X$ cun nivel de confianza do 90%.
Milton 7.1.7 p. 253
-
Nun reconto no microscopio contabilizáronse 200 leucocitos, dos cales 125 eran neutrófilos. Dar un intervalo de confianza do 90% para a proporción de neutrófilos en sangue.
Milton 8.2.3 p. 266
-
Nun estudo sobre obesidade infantil averíguase que a idade media de inicio da enfermidade dunha mostra de 26 nenos é de 4 anos, cunha desviación típica mostral de 1.5 anos. Determinar un intervalo de confianza do 95% para a desviación típica da poboación.
Milton Exemplo 7.1.6
-
¿Que tamaño de mostra faría falla para estima-la proporción de mortes debidas a un problema cardíaco, se traballamos cun nivel de significación do 5%, e non queremos que o erro de estimación supere o 2%?
Milton 8.3.2 p. 270
-
Un investigador médico quere estima-lo nivel medio de colesterol en homes de idade avanzada. A estimación debe ter unha precisión de 6mg/dl ou menos, cun 95% de confianza. Ademais, o investigador cre, por estudos previos, que a desviación típica do colesterol na poboación ronda os 40mg/dl. ¿Que tamaño de mostra debe tomar?
Samuels 6.4.2
-
Nun estudo atopouse que 40 de 400 estudantes eran zurdos. Construír un intervalo de confianza do 90% para a proporción de estudantes zurdos na poboación.
Samuels 9.3.1
-
Unha bodega produce 720000 botellas de viño cada ano e desexa estima-la proporción de botellas que teñen o corcho defectuoso (o viño estropéase se hai un fallo no corcho). Nun estudo previo calcúlase que esta proporción ronda o 4%, pero agora queremos, cun nivel de confianza do 90%, que o erro de estimación non supere o 1%. ¿Cantas botellas de viño debemos comprobar?
Samuels 9.S.6
-
Os votos en contra da construción dunha presa nunha mostra de 500 persoas foi de 270. Estima-la proporción de persoas que están en contra en toda a poboación, cun nivel de confianza do 95%.
Milton Exemplo 8.4.1
Contrastes de hipóteses
-
Sospéitase que o insecticida DDT provoca diminución no grosor das cáscas dos ovos dos paxaros. Para combrobar isto, alimentouse a 16 gabiáns cunha mistura que contiña 15ppm de DDT, e atopouse unha diminución do grosor do 8%. A desviación típica mostral foi de $s=0.05$. Contrasta-la hipótese de que houbo unha diminución no grosor en toda a poboación (nivel de confianza do 95%).
Milton 6.5.4 p. 233
-
Realizouse un experimento para estuda-lo efecto do exercicio físico no nivel de colesterol de pacientes obesos. En 80 pacientes sometidos a un réxime específico de actividade, observouse unha diminución media do nivel de colesterol de $\overline{X}=27$ puntos. A desviación estándar foi de $s=18$. ¿Pode afirmarse, cun nivel de confianza do 90%, que ese réxime provoca, en media, unha diminución superior a 25 puntos?
Milton 6.5.7 p. 234
-
A concentración media de dióxido de carbono no aire é do 0.035%. Preténdese demostrar que inmediatamente por riba da superficie do chan dita concentración é maior. Analizáronse 144 mostras de aire seleccionado aleatoriamente e tomadas á distancia de 30cm do chan. Resultou unha media mostral do 0.09% e unha cuasi-desviación típica mostral do 0.25%. ¿Cal é o valor P do contraste? ¿Comprobouse estatisticamente o argumento establecido?
Milton 6.5.5 p. 233
-
En certa especie de vagalumes, a luz que producen consta dun escintileo curto seguido dun período de repouso. Quérese probar que o período de repouso ten unha duración media de menos de catro segundos. Nunha mostra de 16 insectos obtivemos unha media de 3.77 segundos, con $s=0.30$ segundos. Por outro lado, dámonos conta de que un erro de tipo I non ten consecuencias fatais, así que fixamos un $\alpha=10\%$ bastante alto. ¿Apoian os datos experimentais a nosa suposición sobre o escintileo?
Milton 6.5.7 p. 232
-
Ó estuda-lo crecemento de abetos, sábese que a varianza poboacional acostuma ser $1.56cm^2$. Non obstante, en 50 árbores crecidos en condicións de seca observamos unha cuasi-desviación típica de $0.375$cm. ¿Afectou a seca ó parámetro $\sigma$? Dar un intervalo de confianza para a desviación típica da poboación. Utilizar en todo o problema un nivel de confianza do 95%.
Milton 7.2.4 p. 256
-
A concentración sanguínea de calcio nos mamíferos acostuma ser de 6mg/100ml. A desviación típica debe ser de 1mg/100ml, xa que unha variabilidade maior ocasiona trastornos de coagulación. Nunha serie de nove probas realizadas a un paciente, atopouse unha concentración media de 6.2 e unha cuasi-desviación típica de 2. Tomando un nivel de significación $\alpha=0.05$, ¿hai evidencia de que a desviación típica sexa maior da normal?
Milton 7.2.2 p. 256
-
Estímase xeralmente que o 90% dos enfermos de cancro de pulmón morren no prazo de 3 anos. Nun estudo recente no que se proban uns novos tratamentos, atopouse que 128 pacientes morreron dun total de 150 enfermos. ¿Pode dicirse que hai probas suficientes de que o emprego dos novos métodos de tratamento reduciron a taxa de falecementos?
Milton 8.4.4 p. 273
-
Un 20% dos enfermos de corazón tratados cronicamente con digoxina sofre unha reacción adversa. Para evitalo, a 30 pacientes asocióuselles outro medicamento, e conseguiuse que só tres tivesen a reacción. ¿Pode afirmarse que o tratamento é eficaz cun nivel de confianza do 99%?
Milton 9.7
-
O método habitual para trata-la leucemia mieloblástica aguda consiste en somete-lo paciente a quimioterapia intensiva no momento do diagnóstico. Historicamente, isto produciu unha taxa de remisión do 70%. Estudando un novo método de tratamento utilizáronse 50 voluntarios. ¿Cantos dos pacientes deberían ter remitido para que os investigadores puidesen afirmar, con nivel de significación $\alpha=0.025$, que o novo método produce remisións máis altas có antigo?
-
Estase probando a eficacia dun tipo de exercicio para mellora-los síntomas da artrite reumatoide. O grupo no que se proba dito tratamento é de 160 pacientes. Para un nivel de significación do 2,5%, ¿cantos pacientes terían que mellorar para que se poida afirmar que a porcentaxe de pacientes que melloran é superior ó 50%?
Contrastes de hipóteses para dúas poboacións
-
Comprobouse o peso de ovos de tartaruga en dúas illas diferentes. Suponse que a variable é normal. Á vista dos datos obtidos en dúas mostras aleatorias, ¿hai evidencia de que os ovos na illa "Malabar" son máis pesados cós da illa "Grande-Terre" cun nivel de significación do 1%?
Datos da illa "Grande-Terre": Tamaño da mostra $n_1=31$; peso medio $\overline{X}_1=64.0$g; cuasi-desviación típica $s_1=6.5$g.
Datos da illa "Malabar": Tamaño da mostra $n_2=148$; peso medio $\overline{X}_2=82.7$g; cuasi-desviación típica $s_2=3.6$g.
(Facer un contraste de hipóteses para a igualdade das varianzas para poder determinar se podemos asumir que ambas sexan iguais.)
Milton 9.4.3 p. 311
-
Ó estuda-la velocidade de voo de dúas especies de paxaros, obtivémo-los seguintes datos:
- (Haematopus palliatus): $n_1=9$, $\overline{X}_1=26.05$, $s_1=6.34$;
- (Pelecanus occidentalis): $n_2=12$, $\overline{X}_2=30.19$, $s_2=3.20$;
Face-lo contraste necesario para saber se as varianzas poboacionais se poden supoñer iguais. ¿Hai evidencia de que a velocidade de voo das dúas especies de paxaros sexa diferente? (Para todo o problema, tomar un nivel de confianza do 95%.)
Milton 9.2.1 p. 298
-
Estudouse nunha mostra de $n_1=33$ homes novos fumadores a idade media á que empezan a fumar, obténdose $\overline{X}_1=11.3$ anos. A cuasi-varianza mostral foi de 4 anos. O mesmo estudo en mozas deu lugar ós seguintes datos: $n_2=14$, $\overline{X}_2=12.6$, $s_2^2=3.5$. Pídese, cun nivel de significación $\alpha=5\%$:
- Facer unha proba $F$ para concluír que podemos supoñer $\sigma_1^2=\sigma_2^2$;
- ¿Hai evidencia estatística de que os mozos empezan a fumar antes cás mozas?
- Dar un intervalo de estimación para a diferencia de medias poboacionais entre mozos e mozas.
Milton 9.3.11 p. 309
-
Un laboratorio quere compara-los efectos secundarios dun medicamento novo cos do producto da competencia. Usaremos un nivel de significación do 1%. Obtivéronse os seguintes datos sobre a porcentaxe de persoas que presentaban diarrea:
Laboratorio Competencia Número de suxeitos 465 195 Número de casos de diarrea 9 1 - ¿Podemos afirmar que hai evidencia significativa de que as porcentaxes son diferentes?
- Dar un intervalo de confianza para a diferencia de porcentaxes.
Milton 8.6.6 p. 285
-
En 1970 fixéronse 759 análises de sangue e atopáronse 46 casos de infección. En 1975 outro estudo semellante descubriu 109 infeccións en 838 análises. Baseándose nestas dúas mostras, ¿podemos estar seguros de que a proporción de casos de infección aumentou en máis de 6 puntos porcentuais neses cinco anos? (Usar nivel de confianza do 90%.)
Milton 8.6.4
-
A partir dos corenta anos, o cancro de mama pode detectarse a través dunha mamografía. Comprobamos que en 31 mulleres novas afectadas (idade 40-49 anos) houbo 6 casos descubertos a través de mamografía. Por outra parte, nun grupo de 101 mulleres de máis idade, a mamografía foi eficaz en 38 casos. Cun nivel de confianza do 95%, ¿podemos afirmar que a mamografía é menos eficaz nas mulleres novas?
Milton 8.6.3 p. 285
-
Para ver se un medidor portátil de glucosa é útil para os diabéticos, mediuse para cada paciente o nivel de glucosa en sangue antes de aprender a usalo, e unhas semanas despois. Nunha mostra aleatoria de 36 individuos atopouse unha diferencia de 2.78mmol/l entre "antes" e "despois", con cuasi-desviación típica das diferencias igual a 6.05. ¿Quere dicir isto que o medidor é efectivo para axudar a reduci-los niveis de glucosa?
Milton 9.5.3 p. 319
-
Os datos de temperatura en 1000 estacións meteorolóxicas en todo o mundo deron unha temperatura media de 57 graos Farenheit en 1950, e de 57.6 en 1988, con $s_D=4.1$. ¿Quere isto dicir que a temperatura media do globo aumentou? (Emprega-lo valor $P$.) Dar un intervalo para o aumento global medio (para un nivel de confianza do 90%).
Milton 9.5.5 p. 320
Problemas de repaso de estimación e contraste de hipóteses
-
Para que un peixe sobreviva, a cantidade de osíxeno disolto na auga non debe ter unha desviación típica maior cá 1.2 partes por millón. Tomamos mostras de auga en 25 lugares aleatoriamente escollidos dun lago e obtemos $s=1.7$ppm. ¿Evidencia isto que a variabilidade do osíxeno aumentou por riba do parámetro aceptable $\sigma=1.2$?
Milton 7.2.3 p. 256
-
Nun estudo sobre rexeneración de células nerviosas en monos rhesus mediuse o contido en creatinina fosfato na parte esquerda e na parte dereita da espiña dorsal (medido en mg de CF por cada 100g de tecido). Para un nivel de significación do 10%, ¿existe evidencia significativa dunha diferencia na cantidade de CF entre os dous lados? Os datos son os seguintes:
Animal 1 2 3 4 5 6 7 8 Lado dereito 16.3 4.8 10.9 14.2 16.3 9.9 29.2 22.4 Lado esquerdo 11.5 3.6 12.5 6.3 15.2 8.1 16.6 13.1 Samuels p. 333
-
Crese que a maioría dos fumadores empezan a fumar despois dos 18 anos. Nunha mostraxe con 60 individuos, atopouse que o 49% empezou a fumar despois desa idade.
- Decidir se hai evidencia de que na poboación a proporción de fumadores que empeza despois dos 18 é menor có 50% (cun nivel de significación do 1%).
- Explica-las consecuencias económicas e sanitarias de cometer un erro de tipo I ou un erro de tipo II.
Milton 6.4.6 p. 226
-
Existe a teoría de que a vitamina C é beneficiosa no tratamento do cancro. Os que a defenden din que hai unha melloría superior ó 4% de casos. Fixemos dous grupos independentes de 75 individuos cada un. Ós primeiros démoslle 10g diarios de vitamina C; ós outros, nada. Ó cabo de catro semanas, no primeiro grupo 47 pacientes presentaron algunha melloría, mentres que este número foi soamente de 43 no segundo grupo. Pídese face-lo contraste $H_0\colon p_1-p_2\leq 0.04$ e interpreta-lo resultado (emprega-lo valor P).
Milton 8.6.1 p. 280 e 8.6.2 p. 281
-
Estase probando a eficacia de dous tipos de exercicio para mellora-los síntomas da artrite reumatoide. O primeiro tratamento (T1) foi probado en 150 pacientes con esta enfermidade obtendo que 87 deles melloran tras un mes de práctica. O segundo tratamento (T2) foi probado en 160 pacientes dos que 72 melloraron tras un mes de práctica. ¿Podemos asegurar que hai evidencia significativa de que a proporción de pacientes que melloran co tratamiento T1 é superior á do T2? Realiza-lo correspondente contraste de hipóteses.
Probas de homoxeneidade e independencia
-
Investígase a eficacia dunha nova vacina contra a gripe. Elíxese unha mostra de 900 persoas, e clasifícanse segundo que foran ou non vacinadas, e segundo contraeran a gripe durante o último ano ou non. Pídese, cun nivel de confianza do 95%, decidir se hai asociación ou non entre as dúas variables.
Vacinado \ gripe si non si 150 200 non 300 250 Milton 12.1.2 p. 449
-
Cremos que existe relación entre o número de cloroplastos das follas das árbores e o nivel de $SO_2$ no aire. Selecciónanse 60 árbores, e clasifícanse en función do nivel de dióxido de azufre da súa zona e o nivel de cloroplastos das súas follas. Obtéñense os seguintes datos:
$SO_2$ \ Cloroplastos alto normal baixo alto 5 4 13 normal 5 10 5 baixo 7 9 2 - ¿Trátase dunha proba de independencia ou de homoxeneidade?
- ¿Que conclusións poden sacarse dos datos? Enuncia a hipótese nula apropiada e razoa en función do valor P obtido.
Milton 12.2.6 p. 457
-
Co obxectivo de provoca-la unión dos ósos en fracturas, aplícanse campos electromagnéticos pulsantes. Nunha mostra de 62 fracturas de tibia, 26 de húmero, e 18 de fémur, observouse que o tratamento só tivo éxito en 34, 16, e 10 delas, respectivamente.
- Construí-la táboa de continxencia axeitada.
- Á vista dos resultados obtidos na mostra, ¿pódese concluír que o éxito do tratamento depende do tipo de óso que se está tratando?
-
Realízase un pequeno estudo piloto para determinar se hai asociación entre a aparición de leucemia e os antecedentes de alerxia. Selecciónase unha mostra de 19 pacientes con leucemia e outro grupo de control de 17 persoas, e determínase se hai antecedentes de alerxia ou non.
grupo \ antecedentes si non paciente 17 2 control 5 12 Calcula-la frecuencia esperada para cada celda e contrastar se a distribución de casos de alerxia é homoxénea nos dous grupos. Explica-la resposta baseándose no valor P do contraste.
Milton 12.1.5 p. 449
-
Nun estudo sobre quimioterapia no cancro de pulmón administráronse simultaneamente catro medicamentos a 16 pacientes, mentres que a outro grupo de 11 pacientes déronselle os medicamentos de xeito secuencial. Observouse unha resposta positiva ó tratamento en 11 pacientes do primeiro grupo, e en 3 dos tratados secuencialmente. ¿Proporcionan estes datos evidencia de que unha forma de tratamento é superior á outra?
Samuels 10.2.10
Regresión linear e ANOVA
-
Realízase un estudo para estima-la relación entre o índice de obesidade $X$ e a taxa metabólica en repouso $Y$. A partir dos datos de 43 individuos obtemos
$\sum X=1482.5$; $\sum Y=10719$; $\sum X^2=53515.25$; $\sum Y^2=2736063$; $\sum XY=379207.5$. - ¿Que taxa metabólica correspondería a un índice de obesidade $X=40$?
- Calcular e interpreta-lo coeficiente de determinación.
- Contrasta-lo modelo de regresión linear.
Milton 11.3.4 p. 414
-
A seguinte táboa recolle os datos de presións sistólicas ($P$) de cinco individuos en función da súa idade ($t$):
$t$ idade (anos) 20 30 40 50 60 $P$ presión (mm Hg) 125 128 131 133 138 - ¿Que ecuación linear nos permite estimar $P$ para un individuo de 25 anos?
- Calcula-lo coeficiente de determinación e interpreta-lo resultado.
- Contrasta-lo modelo de regresión linear.
-
Realizouse un experimento para estima-la concentración plasmática $Y$ dunha substancia a partir da súa concentración $X$ na saliva. Os datos experimentais foron:
$X$ 7.4 7.5 8.5 9.0 11.0 13.0 14.0 14.5 16.0 17.0 $Y$ 30.0 25.0 31.5 27.5 40.2 48.0 52.0 54.0 56.5 58.0 Calcula-la recta de regresión e contrasta-lo modelo de regresión linear (ANOVA).
-
A cantidade de arsénico no arroz (variable $Y$, en $\mu g/kg$) parece estar relacionada coa de silicio na palla de arroz (variable $X$, en $g/kg$). Ó estudar 32 plantas obtémo-los seguintes datos:
$\overline{X}=29.85$, $s_X=10.04$, $\overline{Y}=122.25$ $s_Y=44.50$, $r=-0.556$.
- ¿Que cantidade de arsénico estimamos cando $X=12$?
- Calcula-la varianza residual dos erros de estimación.
- ¿Que proporción de varianza da concentración de arsénico está explicada pola relación linear co contido de silicio?
Samuels p. 505
-
Aplicáronse dous cuestionarios a 670 persoas: un medía o nivel de estrés ó que estiveran sometidas $X$, e o outro detectaba posibles trastornos de saúde $Y$. Ó calcula-lo coeficiente de correlación de Pearson obtívose $r=0.24$. ¿É compatible este resultado coa hipótese $\rho=0$? (tomar $\alpha=5\%$)
-
Déronse distintas doses dunha substancia velenosa a sete grupos de 26 ratos, e observáronse os seguintes resultados:
$X$ doses (mg) 4 6 8 10 12 14 16 $Y$ número de mortes 1 3 6 8 14 16 20 - Calcula-la ecuación da recta de mínimos cadrados axustada a estes datos.
- Estima-lo número de mortes nun grupo de 26 ratos que recibiron unha dose de 7mg deste veleno.
- Contrasta-lo modelo de regresión linear.
-
Lévase a cabo un estudo sobre as características corporais e o modo de actuar de levantadores de peso olímpicos. Estúdanse as variables $X$, peso corporal, e $Y$, mellor levantamento, obtendo:
$X$ 134 138 154 178 176 190 190 205 205 206 $Y$ 185 238 260 290 312 336 339 341 358 359 - Debuxa-la nube de puntos. Baseándose nela, ¿pódese esperar que $b$ sexa positivo ou negativo?
- Calcular e interpreta-lo coeficiente de determinación.
- Comproba-la idoneidade do modelo de regresión linear. Se é axeitado calcula-la liña de regresión de $X$ sobre $Y$, estima-lo mellor levantamento dun atleta que pesa 200 libras.
Milton 11.4.1